Akka amala isaanii, ilmaan hundeen ormaa
bifaan nu fakkaatanis jarri bar jaruma
Barrii dheeraan darbbee, senaan bacancarus
Habashan lama ta’e bifasaa geedarus
waanum fe’e ta’us Calanqoo hirraanffanna
Harmma muraa Anoleef Mormma akakile kenya
isa isaan Gorra’an, isan dhiga jigassan
sirnna abootii kenya, isa isaan hambisan
Q’ee ayyoo Robee isa isaan onssan
sana hirranfannee, Malaniyem jennaa
yadannoo mo’amuu jara waliin kabajnna?
Jarro soba beekuu,qabuuf Abshaalummaa
Malaniyem jedhu yadannoo Harmmaa Muraa
Afaaniin nu kabaa, dabalachuuf jarraa
Gamnnummaan nu cubbsanii
maqaa tokkumatiin dhiga nu obasaanii
Bicuu ilmoo gabroomsaan ennaa wal arganii,
qasa’aniit kolfuu ilkaan gad yaasaanii
“bay’atdhaaf bookeen yoomuu Gaanii hin-saaqxu
kunoo isin yabbannee-kaa essa kessan dhaqxxu”?
Jedhanii dhadhachaa, jarrii nut qosaanii
akka abotii isaanii humnnaan nu bulchanii
Beelaan agabsani, lolaan daareessani
Hiyyuummaan qolanii, liqqii nutti goobsani
Namummaa baasani, qalbii hiyyomsani
Mataa gad cabsani, keessa-nu gubani
Nafa takaalani, qullaatti hambiisani
Safuu nu mulcanii, salphiinaan gonfani
kunoo bara Wayannee Mormma nu cirani
Aadaa abootii isaanii harma muruu dhiisaanii
saalffii tokko malee, gocha ofiin bonanii
Harmmaa muraa Anolee ulfessa jedhanii
afaan Faranjiitinn Malanyem jedhani...
Maqaaa itti basani!
Yadannoo waggaa dhibbaa ajechaa Oromoo
gocha dula isaanii, yadannoo waggaa dhibbaa
Malasavich ka’ee Finfinnetti lalaba
kunuu rajii dha kaa, dhiiroo aja’iba
Reenffa ilmaan Oromoo, seenaan awwaalani
Abbaa Irrimmaa ofii OPDOttii hidhanii
Senaa warra Habashaa dugddatti bachisanii
ennaa biyya dhufan, gotonni Oromoo, silaa maal jedhanii?
Abisheen Garbaa faa, Jarraan abba Gadaa esuma dhaqanii?
Silaa akkum jedhan, nutu Bookee ta’ee
Gabrumattii cichee, cimee-tti rar’ee
Moo... gowwa ija hin qabnnee, tanee?.nu.. ilmmi Oromoo
bar-dheggadda boonyee,... sirbuun barana -ammo -
sirbba giddii “Globalization” kijiba warra gamoo
iskisttaa Habashaa harayaa sirbinaa har’ammoo?
Malaniyem! Jennee Sirbba Tirggee hurgufnnee
Lafee akko-f akaakaa gad dhiitnnee tuffanne
Gowwuma jennu moo? Jennu ni qaroomnne!
Lafee abba kenyaa dhiituu? hagam yoo qaroman
attamiin kun ta’aa? Hagam Fala beekan
takka gowwomuu malee, lama hin gowwoman!
Waggaa dhibba jechaa, Malaniyemii Habashaa,
Afaan faranjii ta’uus summiidha kesisaa
Yadannoo Harmma muraa sirbbuu barbaachisaa?
Yoo akkas ta’emmoo nagaatti dhuma dubbi
jedhii ofirraa galii, ta’ii ofitti gaddi
baradhutii ta’ii akka sigabaa galtee,
dina kee walin utaalttee gafa Malaniyem sirbite
Senaa abbaa kenya kan qoonqoon geedartte
dhalachuun kee hafee, otu garaatti haftte
Hundaafuu, mee jedhii “Gararrarummaan” akkasii
sirrattii haa raawwatu,
Dhallonni bor dhufu - senaan ha dhaadatu.
Mee atis itti yadii....
Maaliif boquu cabnnee, gadadoon jiranna
Senaa kijiba Habashattii maaf itti rakkanna?
Hardhum ha awwaallu,Malaniyemii hin jennuu
Soba Wayyanotaa , garagalle-n laallu!.
Barri isaa barana bara “Malaniyemii isaaniii ”, kokkee siliqsani
Soba jara kana, kan saxila baasani
dhigaa fii soba sanii kessa ginjilchanii
lubbuun awwaaludha, nuyi ijoollee oromoo walitti waamani
mee koottaa akkasi gona dhiiroo maal yaaddani?
Silaa otoo akka koo,
kan fedhu garaan koo
Boo’lla awwaalaa qoote
Soba Waayanotaa
Bo’ldhattan gad gata
dhugaa maal abbashii
Caqaacaqoo warra ... Globalization fii Malamiyemii shii
Akka lamuu hin kaane,
ekeraan’shii tullee akka natti hin-bonye!
Rundaasaa Asheetee Hundee..tiinopsa@erda.net
No comments:
Post a Comment